[responsive-menu menu="logged-in-menu"]

Basri Sejdiu thotë se ministri Zemaj nuk ka qenë në dijeni për shkarkimin e tij



Basri Sejdiu, tashmë i shkarkuar nga detyra e drejtorit të SHSKUK’së, është deklaruar rreth këtij shkarkimi për të cilin thotë se nuk ka qenë i paralajmëruar se Bordi Drejtues i Shërbimit Spitalor dhe Klinik Universitar të Kosovës, do të marrë një vendim të tillë.

Në një intervistë për RTV Dukagjinin, Sejdiu tutje ka shtuar se Ministri i Shëndetësisë, Armend Zemaj, nuk ka qenë në dijeni në lidhje me këtë vendim të Bordit për shkarkimin e tij nga pozita e drejtorit të SHSKUK’së.

“Një telefonatë që kam bërë me ministrinë ai më tha se nuk ka qenë në dijeni në lidhje me këtë vendim të Bordit”, ka thënë Sejdiu.

Arsyet e largimit të tij nga pozita e drejtorit të SHSKUK’së, Sejdiu i ka quajtur qesharake, pasi që sipas tij, është shkarkuar nga një Bord joprofesional që ka punuar pak dhe nuk ka pasur kourum.

“Arsyet janë qesharake pasi që një Bord joprofesional, i cili ka punuar pak dhe nuk ka një performancë për vete, nuk qëndron asnjë pikë, pasi që nuk kanë bërë ndonjë paralajmërim dhe nuk ka pasur kourum”, ka përfunduar Sejdiu.

Menu Title