[responsive-menu menu="logged-in-menu"]

Maqedonia e Veriut shqyrton mundësinë e mbylljes së kufijve me Kosovën



Ministri i Shëndetësisë në Maqedoni të Veriut, Venko Filipçe, ka paralajmëruar mundësinë që këto ditë qeverisë t’i sugjerohet rivendosja e kufizimeve me Kosovën dhe Serbinë.

Në Maqedoni të Veriut kanë nisur të ulen shifrat e të vdekurve dhe të infektuarve me COVID-19, ndërsa përgjegjësit shëndetësor të këtij vendi i druhen ndikimit nga vendet fqinje.

Në një konferencë për shtyp, Filipçe ka thënë se komisioni për sëmundje ngjitëse gjatë fundjavës ka shqyrtuar intenzivisht mundësinë e marrjes së disa masave në kufijtë me Kosovën dhe Serbinë.

Mundësia e mbylljes së kufijve ishte paralajmëruar javën e kaluar, por u vendos që ata të mbesin të hapur.“Dua të them që është absolutisht e mundur që këto ditë të propozojmë disa masa, nëse konfirmojmë se rreziku nga hyrja e qytetarëve të vendeve të rajonit, mund të rrezikojë sistemin tonë”, ka thënë Filipçe.

Menu Title