[responsive-menu menu="logged-in-menu"]

Shpërthen Covid-19 në Kinë, nisin testime masive



Kina po teston sërish një qytet të tërë për koronavirus mes një shpërthimi rajonal në provincën Xinjiang. Autoritetet kanë nisur testimin e rreth 4.7 milionë njerëzve në Kashgar pas zbulimit të 138 rasteve asimptomatike.

Kina ka qenë kryesisht e suksesshme në uljen e normave të infeksionit, megjithatë edhe në vendin nga ku nisi, sëmundja ngre krye herë pas here. Xinjiang është shtëpi e pakicës kryesisht myslimane ujgure të Kinës, për të cilën grupet e të drejtave pretendojnë se përndiqet nga Pekini zyrtar.

Shkollat ​​në Kashgar janë mbyllur dhe banorët nuk lejohen të largohen nga qyteti nëse nuk kanë një dokument testimi negativ.

Rasti i parë në këtë qytet ishte një grua asimptomatike që punonte në një fabrikë veshjesh në lagjen periferike Shufu.

Rasti i saj u zbulua pas një atij që media shtetërore kineze e përshkroi si “test rutinë”. Ky përbën infektimin e parë në territorin e Kinës për 10 ditë. Vendi përgjithësisht nuk i llogarit rastet asimptomatike në bilancin zyrtar të të prekurve, që shënon 85.810. Numri i vdekjeve është 4,634.

Deri pasditen e së dielës, në Kashgar u kryen mbi 2.8 milionë teste.

Menu Title