.
×

Arnold Gjergjaj sonte bokson kundër numrit 1 të Kroacisë



Boksieri shqiptaro – zviceran i peshës së rëndë, Arnold Gjergjaj, do të ngjitet sonte (e shtunë) në ring për të luftuar kundër boksierit më të mirë të Kroacisë, Marino Goles. Meqi i boksit do të zhvillohet në Umweltarena, në Spreitenbach të Zvicrës, ndërsa do të jetë vetëm në 8 runde.

Goles aktualisht renditet si boksieri më i mirë i peshës së rëndë në Kroaci, edhe pse në katër ndeshjet e fundit ka pësuar humbje.
Por, për të mos i ndodh asgjë e papritur, Arnoldi është përgatitur maksimalisht për të fituar edhe këtë ndeshje. “Arnold, “The Kobra”, Gjergjaj është gati për sfidën e radhës. Në ring do të sfidojë numrin 1 të Kroacisë, Mario Goles. Për të gjithë të pranishmit kemi përgatitur një Vip Zone, ku së bashku shpresojmë të kalojmë moment të bukura. Ju ftojmë të merrni pjesë prej orës 20.30”, shkruan në një njoftim për simpatizantët e Arnoldit, Anton Gjergjaj, vëllai dhe menaxheri i Arnoldit, raporton albinfo.ch.

Capture d’écran 2015-12-05 à 09.00.29

Për 31-vjeçarin Gjergjaj kjo është ndeshja e parë pas mbrojtjes së titullit evropian në qershor ndaj rusit Denis Bachtow, i cili zgjati 12 runde. Edhe pse në atë kohë Arnoldi, i njohur si “The Cobra”, në rundin e katërt e kishte thyer dorën, ai vazhdoi deri në fund, duke e mposhtur kundërshtarin.

Gjergjaj deri më tash ka një bilanc 100 %, pra ka të zhvilluara 28 ndeshje pa asnjë humbje, ndërsa 20 ndeshje i ka përfunduar para kohe. Sipas webfaqes boxrec.com, Gjergjaj renditet boksieri i 29-të në ranglistën botërore, ndërsa Goles gjendet i 150-ti.

albinfo.ch