[responsive-menu menu="logged-in-menu"]

Përplasja për Asociacionin, mediat serbe paralajmërojnë bllokim të dialogut



Raundi i radhës i dialogut ndërmjet Kosovës dhe Serbisë, i planifikuar të mbahet më 28 shtator në Bruksel është vënë në pikëpyetje për shkak të refuzimit të institucioneve të Prishtinës për të diskutuar për Asociacionin e komunave me shumicë serbe. Kështu ka raportuar mediumi serb, Tanjug, duke iu referuar burimeve të veta.

Sipas Tanjug, burime diplomatike evropiane kanë thënë se raundi tjetër i bisedimeve të ekspertëve midis Beogradit dhe Prishtinës, si dhe takimi i nivelit të lartë midis presidentit serb, Aleksandar Vuçiq dhe kryeministrit të Kosovës, Avdullah Hotit, është vënë në pikëpyetje.

Problemi raportohet të jetë refuzimi i Kosovës për ta diskutuar zbatimin e marrëveshjes së vitit 2013, e cila nënkupton formimin e një asociacioni të komunave me shumicë serbe.

Gazeta Express ka provuar që për këtë çështje të pyes në Qeverinë e Kosovës, por zyrtarët e kabinetit të kryeminstrit Avudllah Hoti nuk kanë qenë të qasshëm.

Koordinatori shtetëror për dialogun me Serbinë, Skender Hyseni ka dalë hapur kundër Asociacionit për komunat me shumicë serbe, ndërsa edhe presidenti Hashim Thaçi kishte thënë në një konferencë për media se kjo çështje nuk duhet të shtrohet në tavolinën e bisedimeve me Serbinë. /Express/

Menu Title